Hindi Shayari

Jindagee ho gayee thi rangeen,

Jab wo shaam aayee thi haseen.

Na jaane dil kaise toot gayaa,

Dil ki khushiyaan ho gayi gamgeen.

Roj ham unse apne dil ki baat kahane jaate hain.

Ye sochkar ham man hi man ghabaraate hain.

Dil ki baat jubaan par laane ki himmat nahi hai,

Is bebasee se aankhon mein aansoon chhalak jaate hain.

Aise na hame tadpaaiye apni adaaon se ki,

ham tadap tadapkar mar jaayein.

Bas jaaiye hamaari jindagi mein is tarah ki,

ham jism se rooh tak nikhar jaayein.

Kyaa tumhe pataa hai ai gulshan,

mere dilbar aanewaale hain.

Kaliyaan naa bichhanaa raahon mein,

ham dil ko bichhane waale hain.

Ye pahali baar kaa milnaa bhi itnaa paagal kar deta hai,

kuchh kuchh hotaa hai saanso mein aur dil kyon khota hai.

Baahon mein bharkar wo hamko madhosh banaane waale hain.

Kaliyaan naa bichhana rahon mein,

ham dil ko bichhane waale hain.

Prem Kaa Sparsh | Romantic Love Poem

Janmon janmon se murjhaaye is dil ko jab ehsaas huaa prem ke sparsh kaa.

Tab yugon yugon se pyaasee is dharaa ko milaa saath gagan kaa.

Haqiqat hai ye, nahi koi khilkhilata khwab kal kaa.

Khooshboo thi kaliyon ki aur pyaar thaa saawan kaa.

Chehre par nikharee aabhaa ban baithee darpan mere laawany kaa.

Aankhon mein chhipee hayaa ban baithee kaajal mere yaovan kaa.

Khanaktee choodiyaan ban baithee dushman mere yaovan ka.

Pyaar ki choonar mujhse aakar lipat gayee aur dhalak gayaa daaman aanchal ka.

Hothon par sajee laalee ban baithee muskaan mere piyaa ki.

Pairon ki paayal ban baithee piyaa ke dil ki dhadkan.

Haathon ki mehandee ban gayi dulaar mere saajan kaa.

Maathe par sajee bindiyaa ne to piyaa ke hosh hi udaa diye.

Kaan ke jhoomke mein piyaa kaa dil hi atak gayaa.

Baalon mein lage gajare ne to piyaa ko madhosh hi kar diya.

Kaisee thee wo pahalee mulaakaat,

jisme man thaa pyaar se rangaa.

Paate hi prem kaa sparsh ,main dil ban gayee saajan kaa,

main dil ban gayee saajan kaa, main dil ban gayee saajan kaa.

Teej-Pyaar Kaa Anokhaa Roop | Romantic Poem

Teej kaa vrat hai bahut hi madhur pyaar kaa.

Dil ki Shraddha aur sachhe vishwaas kaa.

Bichhiyaa pairon mein ho, Maathe par bindiyaa.

Har janam mein Milan ho hamaraa piyaa.

Devi maan kaa poojan karoon main baar baar.

Taki mujhko mile sadaa suhaagan rahne kaa aashirwad.

Pairon mein paayal, haathon mein ho laal choodiyaan.

Har janam mein Milan ho hamaraa piyaa.

डोंट एवर फाल इन लव – Romantic Poem

Did you ever fall in love and know they didn’t care?
Did you ever feel like crying but know you would get no where?
Did you ever look into their eyes and say a little prayer?
Did you ever look into their hands and wish your hands were there?
Did you ever wonder where they are and wonder if they are true?
One minute you’ll find happiness and the next you’ll find your blue?
The days go by so fast the months turn into years
For love that was so strong has now turned into tears.
With their heart of happiness you’ll wonder day and night.
Remember that they are going to leave no matter how hard you fight.
Don’t ever fall in love my friend the price you’ll pay is high.
If i could choose between life and death i would rather choose to die.
And so my friend don’t fall in love you’ll be hurt before it’s through
You see my friend I ought to know..because I fell in love with you.

रोमांटिक Shayrees

Aapkee muskaan kabhee aapse naa chhoote.
Aapkaa har dard minton mein toote.
Mehrbaan ho khudaa itnaa aap per ki,
aasmaan se taare bhee aapkee marjee se tootein.
Samaa jaao mujhme is tarah,
jaise kaajal aankhon mein samaataa hai.
Sajaa do dil ko khwabon se is tarah,
jaise ambar phoolon ko barsaataa hai.
Bas jaao dil mein is tarah,
jaise yaadein dil mein bastee hain.
Jhalak jaao aankhon mein is tarah,
jaise taaron kee roshnee jhalaktee hai.
Nichhawar hai tum par mera tan man.
Maan chukee hoon main tumhe apnaa sajan.
Milne ke liye tumse mera man,
kya kya nahee kartaa jatan.
Jab tum aate ho mere kareeb,
to aankhon mein hayaa kee laalee chhaa jatee hai.
Honth ban jate hain pyaar ka pyalaa,
aur bindiyaa meree chamak jaatee hai.

Dhaltee shaam kaa khula ehsaas hai.
Mere dil mein uskee jagah kuchh khaas hai.
Wo nahee yahaan,maaloom hai mujhe,
par dil kahtaa hai wo yaheen mere paas hai.

होंठ(रोमांटिक Poem)

Kamal kee pankhudee kee tarah lal hain honth tumhare,
unme pyaar ka amrit bhee bharaa hai.
Lajwantee kee tarah tumhare ye sharmaate honth,
lagte koee apsaraa hain.
Kaise karoon tumhare in hontho kaa bakhaan,
jinhe dekhte hee nahee rahtaa hai bhaan.
Jab tumhare honth khulte hain to,
lagtaa hai ye mujhse kuchh kahnaa chahte hain.
Jab tumhare ye honth band hote hain to,
lagtaa hai mujhse ye sakuchaate hain.
Tumhare honthon mein samaaee hai pyaar kee lalee,
jise dekhkar khil jatee hai dil kee har kalee.
In hothon kee muskaan ke liye,
tadpate hain hajaaron aashik.
Is pyaar kee baarish ke liye,
ho jaata hai mera dil bhaavuk.
In hothon kaa jaam paane ke liye,
Mera dil tarastaa rahtaa hai.
In hothon ko pyaar se choomne ke liye,
har ghadee mera dil sisktaa hai.
In hothon mein chhipee huee hai,
ek ajeeb see najaakat.
Inhe ek baar choomte hee,
chhaa jatee hai dil par kayaamat.

Virah Vyathaa

Sun sun chandaa dukh mere man ke.

Jaa tu meraa prem patraa padh ke.

Preetam se kahiyo dukh mere man ke,

Pardesee piyaa ki yaad sataawe ho.

Atript Pyaas

Hai mere dil mein bas yahi aas ki,

kabhi to tripat hogi mere dil ki pyaas.

Kab wo din aayegaa jab main,

uske dil aur dimaag par chhaa jaaungee.

Kab wo haseen pal aayega,

jab main uski baahon mein simat jaaungee.

Bas jaaungee uske rom rom mein is tarah,

ki wo mere kareeb rahne ki dhoondhe wajah.

Jaane kab milegaa mujhe mere sapno kaa raajkumar.

jiske liye har pal main kiye baithee hongee solah shringaar

Uske bina bannaa sawarnaa lagtaa hai mujhe neeras.

Nahi achha lagtaa mujhe kuchh bhi uske binaa.

Har pal wo mere saamne rahe,

isee abhilashaa mein chhalak jaate hain mere nainaa.

Usse milkar aisaa lagtaa hai ki,

jindagee mein gamon ki kamee hai.

Sambhaale sambhal nahi rahi hain mujhse khushiyaan,

aur aankhon mein bahaaron ki namee hai.

Wo hameshaa meri aankhon ki chamak banaa rahe,

Muskuraayein mere adhar uske saath se.

Wo mere chehre ki aabhaa ko barkaraar rakhe,

Aur nikhar jaaye meraa yauvan uske sparshmatr se.

Wo mere naino kaa kaajal bankar lahke.

Wo mere balon kaa gajraa banke mahke.

Wo meri choodiyaan banke khanake.

Wo meri paayal banke chhanke.

Ab uskaa intjaar karte karte,

ho rahi hain meri saansein khatam.

Chaah bas hai yahi ki wo,

piyaa ke roop mein mujhe mile janam janam.

Muskuraahat

Hothon pe muskaan khil jati hai meri,

Uski ek sharaarat se.

Aankhein chamak jati hain meri,

Uski ek aahat se.

Uski ek jhalak pate hi,

Mera ang ang sajeev ho jaata hai.

Mera udaas man bhi,

Uske sparshmatr se praffukit ho jata hai.

Pataa nahi usme kyaa,

Visheshtaa chhipee hai.

wo mere is andhkaarmay jeevan mein prajalit huee,

ek jagmagaatee roshnee hai.

Uski aankhein hameshaa bolti hain,

Uski baatein mujhe toltee hain.

Uski mand mand muskuraahat,

Uske dil me chhipe raaj kholtee hain.

Khush hai wo mere hothon ki muskurahat se.

Main bhi uski ek muskurahat ke liye taras jati hoon.

Ishwar kare ki hamara ye rishta itna majboot ho jaaye ki,

Ham dono har khushee ka swaagat muskuraahat ke saath karein.

Piyaa Kaa Intejaar

Jab yauvan ladki ko chaaron taraf se gher letaa hai tab,

Ajeeb see bechainee uske dil mein bhar jaatee hai.

Uski aankhein besabree se kisee kaa intejaar kartee hain,

Uske chehre ki hayaa bhi uske hriday ki vyathaa nahi chhupaa pati hai.

Use kisee shingaar ki jaroorat nahi hoti,

Piyaa ko dekhte hi ajab see laalee uske mukhmandal par chhaa jati hai.

Dil se wo milan ka intejaar karti hai,

Lekin virah ke baare mein sochkar hi wo vyathit ho jati hai.

Hindi Shayrees

Hey ishwar, aap to hain karunanidhan.
Jo jag mein rakhte hain sabkaa dhyaan.
Mere is hriday mein aap sadaa waas kijiye,
Banke mere shareer ke praan.

Aap meri jindagi mein khushiyon ki bahaar lekar aaye hain.
Jiske bina jhulas rahi thi meri rooh wo fuhaar lekar aaye hain.
Naseeb hota hai jo kisee kisee khushnaseeb ko,
Meri jindagee mein wo mahktaa aseem pyaar lekar aaye hain.

Lataaon ki ot se prakat huye aise Raam.
Prakate ho chandra jaise meghon ko hataake.
Naino ki dagar Siyaa rakhe Ram,
Kare Prarhnaa palak giraake.
Lakshminarayan awaak aise dekh rahe,
Mile the kahaan ab mile kahaan aake.

Jaise nadee parvat se nikaltee hai aur parvat mein hi samaa jati hai.
Jaise muskuraahat hothon se nikaltee hai aur dil mein samaa jati hai.
Usi tarah aapka pyaar mere rom-rom mein samaayaa huaa hai.
Mujhe rah rahkar aapki bahut yaad aati hai.

Sangeet wah swar hai jo hriday se nikaltaa hai.
Pyaar se chhoone par to patthar bhi pighaltaa hai.
Ai khudaa mujhse kisi ka dil na toote,
Kyonki toote dil ka jakham sirf pyaar ke marham se bhartaa hai.

Roj ham unse apne pyaar ka ikraar karne jaate hain.
Lekin unki maasoomiyat ko dekhkar ham laut aate hain.
Unse beintahaan pyaar karte hain ham,
Dil ki yahi baat ham unse chhipaate hain.

Dosti ki shuruaat hoti hai par ant nahi hota.
Jiske dil mein pyaar na ho wo insaan nahi hota.
Agar is jahaan mein sabko sachchaa pyar naseeb hota,
To kiseeka dil kisike pyaar se bejaar nahi hotaa.

Jaise bhanvaraa keval kalee kaa raspaan kartaa hai.
Jaise ambar keval dhartee ka aalingan kartaa hai.
Waise hi ai mere jaan se pyaare hamsafar,
Mera dil aapse beintahaan pyar kartaa hai.
Jab chhanmatr ke liye bhi aap meri aankhon se ojhal ho jaate ho to
Mera man aapki ek jhalak paane ke liye tarastaa hai.
Aapke sparshmatr se hi mere man mein ho jati hai ajab si halchal,
Tab aapke pyar mein pagal mera ye dil mujhse lakh sambhale nahi sambhaltaa hai.

Salone Piyaa

Mere piyaa sanwale salone hain,
We bal buddhi aur guno ki khaan.
Aur mere is shareer ke kaleje hain.
Salone piyaa mere dil ke raja hain.
Priy kyon na hon?
Kyonki Shriram,Shrikrishna bhi to sanwale the.
Piya ko dekhkar main kho ati hoon is kadar,
Ki unke manmohak roop se hattee hi nahi meri najar.
Suhagrat ko jab unse meri bhent huee to,
Main unhe dekhte hi anandvibhor huee.
Unkee meethee meethee baton se mujhe maadak ehsaas hone lagaa,
Aur main unke sparsh se hi madhosh ho gayee.
Kaise kahoon ki wo pal bhi jaise thahar gaya tha,
Us raat pyar ka rang bhi gahraa tha.
Us raat main tan man se unke prati samarpit thi,
Kyonki main hoon unki ardhaanginee.
Saat janmon ka unka mujhse rishta hai,
Isliye main hoon unki jeevansanginee.
Main ishwar se hamesha prarthna karti hoon ki,
We hamesha jindagee ke har mod par kamyab hon.
Wo hamesha khush rahein aur safltaa unke kadam choome.
Kyonki unki haar mein meri haar,
Unki jeet mein meri jeet hai.
Main unhe apni aakhon ke saamne,
Jindagee bhar sahi salaamat chaahtee hoon.
Bhale hi uske liye,
Mujhe apni jindagee kurbaan karni pade.
Maine ki hain kaee galtiyaan,
Jise unhone hanskar ansunaa kiya hai.
Mujhe apnaa jeevansathi mankar mere,
Berang jeevan ko rangeen banaa diya hai.
Ishwar se main yahi prarthnaa karti hoon ki,
Hamaaraa paawan rishta janmon janmon tak amar rahe.
Prasann ho vidhata mujhpar itnaa ki,
Meri maang ka sindoor hameshaa ujaagar rahe.

Suhagrat

Suhagrat ki madhur belaa,meri dhadkan mein bas gayee hai.

Us raat mujh per chhaayaa tha, ek ajab saa nashaa.

Kyonki us rat unka jalwaa,ban gayaa tha kahkashaa.

Suhagrat ke baad piya se, meri preet badh gayee hai.

Jeevan bhar us rat ki khooshboo, mere tan badan mein chhaaee rahegi.

Kyonki us rat ki haseen yaadein,mere jeevan ki parchhaee rahengee.

Us rat piya ke roop mein mujhe,ek sachha dost mila.

Jisse khulkar kar sakoon main, har ek shikwaa gilaa.

Salone piya ka pyaar paakar,main sanwar gayee hoon.

Sirf unke jism mein hi nahi,unki rooh mein bhi utar gayee hoon.

Maiyaa Ji Ke Aanchal Mein

Kehraa se aaven ho Sheetlaa maiyaa,

Kehraa se kaali maiyaa ho.

Are ho kehraa se aave durga maiyaa

ta sher par savaariyaa lihale ho.

Poorba se aaveni sheetla maiyaa

pachhuan se kaali maiyaa ho.

Are ho uttaraa se aaven durga maiyaa

ta sher par savaariyaa lihale ho.

kavani pujaniyaa sheetlaa maiyaa,

kavani kaali maiyaa ho.

Are ho kavani pujani durga maiyaa,

ta sher par savaariyaa lihale ho.

Piyari karahiya sheetla maiyaa,

gheeauva kaali maiyaa ho.

Are ho nariyar chunariyaa durgaa maiyaa,

ta sher par savaariyaa lihale ho.

Kahanva je baithe sheetla maiyaa,

Kahanva ae kaali maiyaa ho.

are kahanva je baithe durga maiyaa

ta sher par savaariyaa lihale ho.

nimiya ke chhahiyan sheetla maiyaa,

Angane kaali maiyaa ho.

Are ho mandire mein baithen durga maiyaa,

ta sher par savaariya lihale ho.

Kavane maase jhoomeli sheetla maiyaa,

kavane ho kaali maiyaa ho.

Are ho kavane maase jhoome durgaa maiyaa,

ta sher par savaariyaa lihale ho.

Chaite maase jhoomeli sheetla maiyaa,

barah maase kaali maiyaa ho.

are ho kwaare maase jhoome durga maiyaa,

ta sher par savaariyaa lihale ho.

TOOT GAYA HAI MERA SUNDAR SAPNA…

Sunau kise main Haale-e-Dil apna,
Toot gaya hai mera sundar sapna.

Kuch kehte hai ki hu main beraagi,
Kuch ye bhi kehte hai ki toot chuka hai mera dil.
Haan toota hai mera dil baar-baar,
Aur andheri raaton me roya hu jaar-jaar.

Apni tanhaiyon me khud akela he roya hu,
Na aaye koi sapna isliye khuli aankho se soya hu.
Ye hawayein bhi na sukha paayi thi palkein meri,
Jab tha main tanha akela yaad mein teri.

Teri yaadon ne he toh kiya tha mujhe is kadar bekarar,
Varna zindgi ki khusiyon se tha mera bhi ek karar.
Khushiyan toh rooth chuki thi, par ab toh gam bhi dagaa de jaate hai,
Kehte hai kaise aaye hum, Vo toh ab bhi tumhare khwabon me aate hai.

Kaise kahu gam se, ki khawab toh aane se pehle he toot jaate hai,
Ab toh ye aalam hai ki, Vo humein dekhte he rooth jaate hai.
Vo na ho jaaye door is darr se hum apni palkein jhukaate hai,
Ehsaan hai tera E khuda, Vo ek nazar toh milate hai.

Vo din yaad hai mujhe jab ye nazrein kayi baar milti thi,
Aur khushiyo ki kayi kaliya mere dil mein bhi khilti thi.
Dil ki unhi kaliyon me se Ek ne kiya tha mujhe itna bekarar,
Aur pata he nahi chala ki kab ho gaya unse pyar.

Ush pyar ko karna chahta tha main is seene me dafan,
Taaki na jaan paaye koi isey, bina khoole mera kafan.
Par is zaalim duniya mein kaha koi baat chhupti hai,
Doosron ki khusiya toh yahan har kisi ko chhubhti hai.

Par kyun koosu main dusron ko, Main khud he toh na de paaya apne dil pe lagaam,
Aur aa gaya mere aashiyaane me dukhon ka paigaam.
Meri he vajah se ruth gaya hai mera koi apna,
E khuda, aakhir toot gaya hai mera Sundar Sapna…

Shayris In my First Attempt…

Kaash ki ye duniya itni bedard na hoti,
Khwabon me unse mulakaat na hoti.
Kat jaati zindgi unki yaadon ke sahare,
Agar unse milne ki aash na hoti…

.

Dekh chuke hum ish duniya ki khushiyo ko,
Matlab kya un khushiyon ka jab apne saath na ho.
Insey toh aache aansu hai,
Jo gam me toh saath nibhate hai…

.

Na koi sikva hai, na koi sikayat Rab se,
Jo na maanga vo sab mila Rab se.
Tujse koi ummid he nahi ki thi mainey,
Toh tere liye kya saza maangu Rab se...

.

Humsafar hota koi toh baant leta main apne duriya,
Rah chalte log kya samjhenge meri majburiya…

.

Tere dil ne kabhi na aawaj di mujhe,
koi sikva nahi, ush dil ki bhi thi majburiya.
Par ish diwane dil ka kya,
Jisne kabhi maani na thi Duriya…

.

Pyar ka matlab vo kya jaane,
Jinhe mazaa aata hai dil thodne mein.
Gam banenge dost aur aansu bhi chhor denge saath,
Jab na bachega thamne wala koi haath…

.

Mere dil ne aisa kya kiya tha Gunaah,
Jo na mili ishey tere dil mein panaah.
maana ki thode toh dil he jaate hai,
Par kya itni si khata ki itni baadi sazaa paate hai…

.

Shaam thi dhalne ko,
Aur suraj ja raha tha.
Tut chuke they hum,
Aur yeh dil fir bhi ga raha tha…

TANHAAYI…

Na de paaya khushiya, toh kya gam hai,
Jee bhar ke mila dard, vo kya kam hai.
Meri vafa ke badley chahe de dena mujhe pyar ki parchhai,
Par E khuda, na dena mujhe ashkon me bhigi Tanhaayi…

Bada keemti hai ye aankh ka paani,
Isey khuda ne sirf dukho ke liye chunaa hai,
Isey yuhi kisi ki yaad me jaaya nahi karte,
ye sab humne logon ko kehte suna hai.

Koi humse pooch kar toh dekhe,
ki ashkon ke kitne saagar humne bahaaye hai.
Saari umar inhi ko peeya hai,
Aur inhi se toh hum nahaye hai.

Un andhero me jab na koi kareeb tha mere,
Isi tanhaayi ne toh nibhaya tha mere saath.
Par kya ek pal ko bhi toone socha E Khuda,
Teri usi tanhaayi ki vajah se he nahi thama tha kisi ne mera haath.

Rone ko toh ro lunga mein jaar-jaar,
Tapkenge ye aansu ek nahi hazaron baar.
Par ush tanhaayi me bhi nibhane wala koi saath toh ho,
Tanha he sahi, par dil ki koi baat toh ho.

Ab toh ghut raha hai dum mera ish tanhaayi me,
Aur dikh raha hai chehra uska apni he parchhai me.
Ab aur kitna andhere baaki hai is tanhaayi me,
Is seene me jal raha hai ek dil yaadon ki gehraayi me.

Ek muddat se nahi dekha usey, ab toh intehan ho gayi hai intezaar ki,
Aur sookh rahi hai ye ankhein ummid me uske deedar ki.
Baat na sahi, par uska ek Akash toh dikha de,
Ek pal ko he sahi, par ush Sakhas se toh mila de.

PYAR…

Khuda ne jab ye zindgi banayi thi,
Ek badi he naayab khushi isme sajayi thi.
Ek ehsaas jo do dilo ke beech rehta hai,
Sara jahan jise PYAR kehta hai.

Najron se jab najron ka takraav hota hai,
Yaha har mod pe kisi ka intezaar hota hai.
Najrein toh na jaane kitno se takraati hai,
Toh kya har mod pe yaha pyar hota hai.

Ha yahi toh hai aankho ka Pyar,
Jo ek nahi hota hai kai baar.
Logon ke zazbaat toh yaha havaao mein udaaye jaate hai,
Tode he nahi, dil tudvaaye bhi jaate hai.

Pyar toh vo hai jo band aankho se hota hai,
Jisme aankhen toh band hoti hai, par dil kahan sota hai.
Is pyar me bin dedaar ke parwaana rota hai,
Kyun ki samaa ka chera toh dil mein hota hai.

Ye pyar aksaar aadhura he rehta hai,
Pyar ko sachaa ab kaun kehta hai.
Jaane wale toh bin bataye he chale jaate hai,
Aur na mitne wali yaadein peeche he chhod jaate hai.

Dil tootne per bhi jab koi shikwa na rahe,
Chahe saath nibhane ko koi mitwa na rahe.
Zamane bhar ke gam jab has ke sehte hai,
Chahat ke isi ehsaas ko toh Pyar kehte hai…

Oh My Angel…

One day happiness will again knock my door,
I will live those moments which I always wanted to adore.

I knew that darkness is hurting me again and again,
But it’s true that someday I will kiss away all the pain.

I will love to sleep on the wings of air,
My angel is always with me to take care.

In the nights I will keep you in my eye-lashes,
With you, life is smooth without any clashes.

Your presence gives my thoughts a kind of flow,
I pray that good time pass away little slow.

Once apart, we will meet again in sea by riding on stream,
In the heart, I will keep you as the most precious dream.

You are the gift; I will need in every birth,
Your happiness is the reason I am alive on earth.

Aroma of your soul always keeps you near,
Your pleasant smile keeps away all my fears.

Your memories touch me like sun’s first ray,
Your fragrance enlightens my soul whenever I pray.

God is kind when he gave me the best gift of birth,
Every single moment I think of you becomes so much worth.

Heaven is when your dreams touch my soul deep inside,
My love is true; from you I can never hide.

Your memories walk along with me in every weather,
Oh my angel, in the next life time we will be together…

KHAMOSH AAWAAZ…

Kal hua tha deedar unka ek khawab mein,
Dekh kar mujhe is haal me, unki bhi ankhein bhar aayi.
Aur humare saath vo bhi lage doobne gam mein.
Jab humne tanhaai ke har pal ki daastan sunayi.

Vo poochhne lage ki kyun apne dil ki baat humein nahi batayi,
Aur kyun vo pyar ki parchhai humein nahi dikhayi.
Par kya kehte hum, ki kyun thi dil mein ye tanhaayi.
Humne toh di the ek Khamosh Awaaj, jo unko he na di sunayi.

Agar suna dete apne dil ki awaaj unhe,
Toh kaise jee paate tanhaayi ke un haseen palon ko.
Aur kaise ho paati in aankho se ashkon ki vo barsaat,
Jab main tanha taras raha tha paane ko kisi ka saath.

Kabhi-Kabhi khamoshi bhi vo sab keh jaati hai,
Jab koi baat labon pe aane se katraati hai.
Par jarurat hai ush dil ki jo pechan le bikhre hue Saaj,
Jab koi chup ke se de ek Khamosh Awaaj…

JAANE VOH MAUT KAB AAEGI…

Kehte hai jise zindgi ka aakhiri mukaam sabhi,
Jaane vo haseen Maut kab aaegi.
Thak chukka hai lahu ragon me dodte-dodte,
Jaane ye saanse kab jaaengi.

Jee chukka hu har rang zindgi ka,
Fir aur kitna intezaar tu karvaegi.
Aaj koi chahat he nahi reh gayi hai dil me,
Toh jaane vo aakhiri ghadi kab aaegi.

Sookh chuki hai ab toh aankhein meri,
Toh ye hawa fir kab mujhe rulaegi.
Hum toh yaadon ke samundar me doobe hai,
Jaane ek hichki unhe kab aaegi.

Ab toh ja rahi hai yaadein bhi saath chhod ke,
Aakhir ye mitti kab mujhe chhupaegi.
Bahut si raatein jag chukka hu main,
Jaane vo maut kab mujhe sulaaegi.

Mere jaane k baad kya vo mujhe bhulaegi,
Aur kya meri koi yaad use rulaegi.
Khuda ke ghar intezaar hai mera,
E maut tu kab mujhe sulaaegi.

Sabhi taiyaar hai mujhe dafnane ko,
Tu aur kitna intezaar karvaegi.
Jeete ji kaam na aaya kisi ke,
Ab aur kitni saanse mujhse bharvaegi.

Ek dil ki dhadkan ne he diya tha saath mera,
Usko tu ye khabar kab sunaegi.
Kahin ye yaadein mujhe kamjor na kar de,
E maut tu mujhe kab pass bulaegi.

Agar aayi jo yaad unki ek pal bhi,
Toh ye aankhein na ruk paaegi.
Ab aur der na kar tujhe khuda ka vaasta,
Ab ye saanse mere saath aur na nibha paegi.

Jaane vo maut kab aaegi…